Featured Main

ސްޕެޝަލް އޮލިމްޕިކްސްގެ ދެވަނަ ފެތުމުގެ މުބާރާތް މާދަމާ ފަށަނީ

Featured Side Cards

އެސްޓީއޯގެ މެގަ ސޭލްސް ޕްރޮމޯޝަން ފަށައިފި

ދިވެހި ރެޑް ކްރެސެންޓުގެ އިންސާނިއްޔަތުގެ މަސައްކަތަށް ދިރާގުން އެހީތެރިކަން ފޯރުކޮށްދޭން އެއްބަސްވެއްޖެ!

އެސްޓީއޯ އަދި މަކިޓާ: 25 އަހަރުގެ ކާމިޔާބު ޕާޓްނަރޝިޕް

ސްޕެޝަލް އޮލިމްޕިކްސް މޯލްޑިވްސް ނުވަތަ އެސްއޯ މޯލްޑިވްސްގެ ދެވަނަ ފެތުމުގެ މުބާރާތް މާދަމާ ފަށަަން ތައްޔާރުވެއްޖެއެވެ.

ހުޅުމާލެ ސްވިމިން ޕޫލުގައި ކުރިޔަށްގެންދާ މި މުބާރާތުގައި 58 އަށް ފަރާތަކުން ބައިވެރިވެއެވެ. މިދިޔަ އަހަރުގެ މި މުބާރާތުގައި ބައިވެރިވެފައިވަނީ 27 ފަރާތަކުންނެވެ. 

މި މުބާރާތުގެ ތެރެއިން ޖުމްލަ ހަތް އިވެންޓެއް ކުރިޔަށްގެންދާނެ ކަމަށް އެސްއޯ މޯލްޑިވްސް އިން މައުލޫމާތު ދެއެވެ. އެއީ:

- 25 މީޓަރު ފްރީ ސްޓައިލް

- 25 މީޓަރު ބްރެސްޓް ސްޓްރޯކް

- 50 މީޓަރު ފްރީ ސްޓައިލް

- 25 މީޓަރު ކިކް ބޯޑް ރޭސް

- 50 މީޓަރު ކިކް ބޯޑް ރޭސް

މި އިވެންޓުތަކުގެ ތެރެއިން ކިކް ބޯޑް ރޭސްއަކީ މި އަހަރު އަލަށް ތަޢާރަފްކޮށްފައިވާ އިވެންޓެއް ކަމަށް އެސްއޯ މޯލްޑިވްސް އިން މައުލޫމާތުދެއެވެ. އެގޮތުން އެ ހަރަކާތް އިތުރުކުރީ ވެސް ވީހާވެސް ގިނަ ފަރާތްތަކަށްއެ ހަރަކާތްތަކުގައި ބައިވެރިވުމުގެ ފުރުސަތު ދިނުމަށް ކަމަށް ވެސް އެ ފަރާތުން ބުންޏެވެ.

އެސްއޯ މޯލްޑިވްސް އަކީ ސިކުނޑީގެ ނުކުޅެދުންތެރިކަން ހުންނަ ފަރާތްތަކަށް ކުޅިވަރުގެ ތެރެއިން އެކި ދުޅަހެޔޮ ސިއްޚަތެއް ހޯދައިދިނުމަށް ރާއްޖޭގައި އެންމެ ފުޅާދާއިރާއެއްގައި ހަރަކާތްތެރިވާ ޖަމުއިއްޔާއެވެ. މި ޖަމުއިއްޔާ ވުޖޫދުވެފައިވަނީ 2018 ވަނަ އަހަރުއެވެ. 

އެސްއޯ މޯލްޑިވްސްގައި މިވަގުތު ވެސް އެކި ހަރަކާތްތަކުގެ ޓްރެއިނިން ފޯރުކޮށްދޭ އެތައް ސަތޭކަ ފަރާތްތައް ތިބޭއިރު، އެފަދަ ފަރާތްތަކުގެ އަތުން އެ ޖަމުއިއްޔާއިން އެއްވެސް ފީއެއް ނުނަގައެވެ. އެހެންކަމުން އެ ޖަމުއިއްޔާގެ ހަރަކާތްތައް ދެމެހެއްޓެނިވި ގޮތެއްގައި ކުރިޔަށްގެންދިޔުމުގައި ޢާންމުންގެ އެހީތެރިކަމަށް އެ ޖަމުއިއްޔާއިން ވަނީ އެދިފައެވެ.

ދިވެހި ޥަޡަނީ ޚިދުމަތުގެ ތަމްރީނުގައި ބައިވެރިވާ ޒުވާނުންނަށް ރައީސުލްޖުމްހޫރިއްޔާ ޑރ.މުހައްމަދު މުޢިއްޒު މަރްޙަބާ ދަންނަވައިފިއެވެ.

ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ.މުހައްމަދު މުޢިއްޒު ވިދާޅުވީ ދިވެހިރާއްޖޭގެ ނޭޝަނަލް ސަރވިސް (ދިވެހި ޥަޡަނީ ޚިދުމަތް) އަށް ކުރިމަތިލުމަށް ހުޅުވާލުމުން ކުރިމަތިލި 1242 ޒުވާނުންގެ ތެރެއިން، ފުރަތަމަ ބުރުގެ ސިލެކްޝަން ޕްރޮސެސްގައި ހޮވުނު 343 ޒުވާނުން ތަމްރީނަށް މާފިލާފުއްޓަށް ގޮސްފައިވާކަމަށެވެ. އެގޮތުން، ރާއްޖޭގެ 107 ރަށަކުން، ޢުމުރުން 16 އަހަރާއި 29 އަހަރުގެ 64 އަންހެން އަދި 279 ފިރިހެން ޒުވާނުން ވަނީ ތަމްރީނަށް ގޮސްފައިވާކަން ރައީސުލްޖުމްހޫރިއްޔާ ފާހަގަކުރެއްވިއެވެ.

ރައީސުލްޖުމްހޫރިއްޔާގެ ޕޯސްޓުގައި ވަނީ މި ތަމްރީނުގައި ބައިވެރިވާ އެންމެހާ ޒުވާނުންނަށް އަދި އެ ޒުވާނުންގެ ބެލެނިވެރިންނާއި ޢާއިލާތަކަށް މަރްޙަބާ ވިދާޅުވެފައެވެ.

ދިވެހި ޥަޡަނީ ޚިދުމަތުގެ މަގުޞަދު

ދިފާޢީ ވުޒާރާގެ ދަށުން ކުރިއަށްގެންދަވާ ދިވެހި ޥަޡަނީ ޚިދުމަތުގެ ޕްރޮގްރާމް ރައީސުލްޖުމްހޫރިއްޔާ ޢިއުލާންކުރެއްވީ މިދިޔަ އަހަރުގެ ނަސްރުގެ ދުވަހުގައެވެ.

ޕްރޮގްރާމަށް ކުރިމަތިލުމުގެ ފުރުސަތު ހުޅުވާލިތާ ދެމަސްތެރޭ 1200 އަށްވުރެ ގިނަ ޒުވާނުން ޕްރޮގްރާމަށް ކުރިމަތިލާފައިވާކަމަށް ދިފާޢީ ވުޒާރާއިން ވިދާޅުވެއެވެ.

ދިވެހި ވަތަނީ ޚިދުމަތުގެ ތަމްރީނު ޕްރޮގްރާމުގެ ފުރަތަމަ ބުރަށް ބައިވެރިން ހޮވުމުގެ މަރުޙަލާ ބާއްވާފައިވަނީ، މާލެ ސިޓީ، ހއ. ދިއްދޫ، ކުޅުދުއްފުށި ސިޓީ، ށ. ފުނަދޫ، ނ. މަނަދޫ، ރ. އުނގޫފާރު، އދ. މަހިބަދޫގެ އިތުރުން، ފ. ނިލަންދޫ، ތ.ވޭމަންޑޫ، ލ. ގަން އަދި އައްޑޫ ސިޓީ ހިތަދޫގައެވެ.

މި މަރުޙަލާގައި ބައިވެރިން އިންޓަރވިއުއާއި މެޑިކަލް ޓެސްޓްތަކާއި އެޕްޓިޓިއުޑް ޓެސްޓްގެ އިތުރުން ފިޓްނަސް ޓެސްޓްތައް ވެސް ފުރިހަމަކޮށްފައިވެއެވެ.

ދިވެހި ޥަޡަނީ ޚިދުމަތުގެ ތަމްރީނުގައި ބައިވެރިވާ ޒުވާނުންނަށް ރައީސް މަރުޙަބާ ވިދާޅުވެއްޖެ

ބޮލީވުޑްގެ މަޝްހޫރު ތަރި އަނަންޔާ ޕާންޑޭ ދާދި ފަހުން ދިވެހިރާއްޖެއަށް ކުރެއްވި ދަތުރަކީ އޭނާގެ ފޭނުންގެ މެދުގައި ވަރަށް ބޮޑު މަޝްހޫރުކަމެއް ހޯދި ދަތުރެކެވެ. ރާއްޖޭގެ ގުދުރަތީ ރީތިކަމާއި އުފާވެރިކަން ހިއްސާކުރުމުގެ ގޮތުން، އަނަންޔާ ވަނީ އޭނާގެ ފުރަތަމަ ވްލޮގް ތަޖުރިބާވެސް މި ދަތުރުގައި ފަށާފައެވެ.

އަނަންޔާ ވަނީ އޭނާގެ އިންސްޓަގްރާމް އެކައުންޓްގައި ރާއްޖެއަށް ކުރި ދަތުރުގެ ކުރު ވީޑިއޯތަކެއް ހިއްސާކޮށްފައެވެ. މި ވީޑިއޯތަކުން އޭނާ ބައިސްކަލް ދުއްވުމާއި، ހޭލެވުމުގެ މަޖާ ވަގުތުތަކާއި، ޕެއިންޓިން ކުރުން ފަދަ އޭނާގެ ތަޖުރިބާތައް ދައްކުވައިދެއެވެ. އޭނާގެ މި ފުރަތަމަ ވްލޮގް ތަޖުރިބާއަކީ ވަރަށް ތެދުވެރި އަދި މަޖާ އަޕްޑޭޓްތަކެއް ކަމަށް ބެލުންތެރިން ވަނީ ސިފަކޮށްފައެވެ.

https://www.instagram.com/reel/DOndFyPCKNJ/?utm_source=ig_web_copy_link

ވްލޮގްގެ އިތުރުން، އަނަންޔާ ވަނީ އޭނާގެ ބީޗް ވެކޭޝަންގެ ހިތްގައިމު ގިނަ ފޮޓޯތަކެއްވެސް އިންސްޓަގްރާމްގައި ހިއްސާކޮށްފައެވެ. އޭނާ ލިޔުނު ކެޕްޝަންތަކުގެ ތެރެއިން، "އުޑުމަތި ފެންނަނީ ކުރެހުމެއް ކަހަލަ ގޮތަކަށެވެ. އައި އޭމް ރިއަލީ ލަވް ވިތް މައި އައިލެންޑް ގާލް ލުކްސް." މި ޖުމްލައަކީ ގިނަ ބަޔެއްގެ ސަމާލުކަން ހޯދި ޖުމްލައެކެވެ. އޭނާގެ މި ޕޯސްޓްތަކުން އޭނާގެ އާޓިސްޓިކް މަސައްކަތްތަކާއި، ގޮނޑުދޮށުގެ މަޑުމައިތިރި ރޫޙު ފެނިގެން ދިޔައިރު، އޭނާގެ ފޮލޯވަރުން ވަނީ ހިތްފަޅައިގެން ގޮސްފައެވެ.

އަނަންޔާގެ ޕޯސްޓްތައް ފުރިފައިވަނީ އިރުގެ އަލިކަމާއި، ސާފު ފެންގަނޑާއި އަދި އުފާވެރިކަމެވެ. ގޮނޑުދޮށުގައި އަރާމުކޮށް އުޅުނަސް ނުވަތަ އޭނާގެ އާޓް އެކްސްޕެރިމެންޓް ކުރިޔަސް، އޭނާގެ ރާއްޖޭގެ ޗުއްޓީއަކީ ހަމަ މުޅިން ޓްރޮޕިކަލް އުފާވެރިކަން ގެނެސްދިން ދަތުރުފުޅެކެވެ. އޭނާގެ އެންމެ ގާތް އެކުވެރިޔާ ޝަނާޔާ ދެއްކި ވާހަކަތަކުންވެސް މި ތަޖުރިބާ އިތުރަށް ފުރިހަމަވެގެން ދިޔައެވެ. އަދި އޭނާގެ ފޮލޯވަރުންގެ ލޯތްބާއި ތައުރީފު ވަރަށް އަވަހަށް ފެތުރިގެން ދިޔައެވެ.

ނިމިދިޔަ ދަތުރުފުޅުގައި އަނަންޔާ ދިވެހިރާއްޖޭގައި ހޭދަކުރި ވަގުތުތަކުގެ ތެރެއިން، އޭނާގެ އާޓިސްޓިކް މަސައްކަތްތަކާއި، ބީޗް ވައިބްސް ހިއްސާކޮށްފައިވަނީ ހަމަ ފޮލޯވަރުންގެ ހިތް ފަޅައިގެން ދާފަދަ ގޮތަކަށެވެ. މިއީ ދިވެހިރާއްޖެއަކީ ދުނިޔޭގެ އެކި ކަންކޮޅުތަކުގެ މަޝްހޫރު ބޭފުޅުން ޗުއްޓީ ހޭދަކުރާ މަންޒިލެއްގެ ގޮތުގައި ފާހަގަވެފައިވާކަން ދައްކުވައިދޭ އެއް އަނެއް ހާދިސާއެވެ.

އަނަންޔާ ޕާންޑޭގެ ދިވެހިރާއްޖޭގެ ދަތުރު: ވްލޮގްތަކާއި އައިލެންޑް ގާލް ލުކްސް!

ރައްޔިތުންގެ މަޖިލީހަށް ހާޒިރުވާ މެހެމާނުން ޢަމަލުކުރާނެ ޚާއްސަ އުސޫލެއް އެކުލަވާލައި، އެ އުސޫލާއި ޚިލާފު ވެއްޖެނަމަ އަޅާނެ ފިޔަވަޅުތައް މަޖިލީހުގެ ޤަވާއިދުގައި ހިމެނުމަށް ރައްޔިތުންގެ މަޖިލީހުން މިއަދު ނިންމައިފިއެވެ. މިކަން މަޖިލީހުގެ ރިޔާސަތުން ހާމަކުރެއްވީ، ދައުރުން ބޭރުން މީޑިއާ ރެގިއުލޭޝަން ބިލު ފާސްކުރުމަށް ބޭއްވި ޖަލްސާ ނިންމަވާލައްވަމުންނެވެ.

މި ނިންމުން ނިންމާފައިވަނީ، "މޯލްޑިވްސް މިޑިއާ އެންޑް ބޮރޯޑްކާސްޓިންގ ރެގިއުލޭޝަން" ބިލު ރައްޔިތުންގެ މަޖިލީހުގެ މިނިވަން މުޢައްސަސާތަކާއި ބެހޭ ކޮމެޓީގައި ދިރާސާކޮށް އިސްލާހުކުރުމުގެ މަސައްކަތް ކުރިއަށް ގެންދިޔައިރު ހިނގި ބައެއް ކަންތައްތަކާ ގުޅިގެންނެވެ. ކޮމިޓީގެ މަސައްކަތް ސިއްރުކޮށް ކުރިއަށް ގެންދިޔައިރު، ކޮމެޓީއަށް ހާޒިރުވި ބައެއް މީޑިއާތަކަށް ނިސްބަތްވާ ފަރާތްތަކުން ވަނީ ބިލު ކޮމެޓީން ފާސްކުރުމާއި މެދު ހިތްހަމަ ނުޖެހުން ފާޅުކޮށް އިހުތިޖާޖުކޮށްފައެވެ.

މިކަމާ ގުޅޭގޮތުން، މަޖިލީހުގެ ޖަލްސާ ނިންމަވާލައްވަމުން ރިޔާސަތުގައި އިންނެވި މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ވިދާޅުވީ، މަޖިލީހުގެ ކޮމެޓީގެ މަސައްކަތަށް ހުރަސް އެޅޭގޮތަށާއި، މަޖިލީހުގެ ކަރާމާތަށް އަންނަ އިޖްތިމާޢީ މިންގަނޑުތަކާ ޚިލާފަށް ކޮމެޓީ އަޑުއެހުމުގެ ފުރުސަތު ދިން ފަރާތްތަކުން ޢަމަލުކޮށްފައިވާ ކަމަށެވެ.

ނައިބު ރައީސް ނާޒިމް އިތުރަށް ވިދާޅުވީ، މިކަމާ ގުޅޭ ރިޕޯޓެއް މަޖިލީހުގެ ސާޖެންޓް އޮފް އާމްސް ރިޔާސަތަށް ހުށަހަޅާފައިވާ ކަމަށާއި، އެ މައްސަލަ އިތުރަށް ބެލުމަށްޓަކައި އާންމު ކޮމެޓީއަށް ފޮނުވުމަށް ނިންމާފައިވާ ކަމަށެވެ. މިފަދަ ހާދިސާތައް ތަކުރާރުވިޔަ ނުދިނުމަށާއި، މަޖިލީހުގެ މަސައްކަތްތައް ހަމަޖެހިގެން ކުރިއަށް ގެންދިއުމަށްޓަކައި، މެހެމާނުން ޢަމަލުކުރާނެ އުސޫލުތައް އެކުލަވާލައި ޤަވާއިދުގައި ހިމެނުމަކީ މުހިންމު ކަމެއްގެ ގޮތުގައި މަޖިލީހުން ދެކެއެވެ.

"އެއީ މިފަދަ ކަމެއް ކުރިމަގުގައި ތަކުރާރު ނުވާނެ ގޮތަށް މަޖިލީހުގެ ޤަވާއިދު އިސްލާހުކުރުމަށާއި، މަޖިލީހުގެ މެހެމާނުންގެ ގޮތުގައި ހާޒިރުވާ ފަރާތްތަކުން ޢަމަލުކުރާނެ އުސޫލުތަށް ކަނޑައަޅައި، އެކަންކަމަށް ހާޒިރުވާ ފަރާތްތަކުން ޚިލާފުވެއްޖެ ނަމަ އަޅާނެ ފިޔަވަޅުތައް މަޖިލީހުގެ ޤަވާއިދުގައި ބަޔާން ކުރުމަށް ދެވޭ އިރުޝާދެއް" މަޖިލީހުގެ ނައިބު ރައީސް ވިދާޅުވިއެވެ.

މީގެ އިތުރުން ކޮމެޓީގެ ބައްދަލުވުން ކުރިއަށް ދިޔައިރު، މަޖިލީހުގެ ދެ މެންބަރެއްގެ ދެމެދު ހަމަ ނުޖެހުންތަކެއް ހިންގައި ކޮމެޓީގައި ބެހެއްޓިފައިވާ މަޖިލީހުގެ ސައުންޑް ސިސްޓަމުގެ ބައިތަކަށް ގެއްލުން ލިބިފައިވާތީ، އެ މައްސަލަ މަޖިލީހުގެ ސުލޫކީ ކޮމެޓީއަށް ފޮނުވަން ނިންމާފައިވާކަން މަޖިލީހުގެ ރިޔާސަތުން ވަނީ ވިދާޅުވެފައެވެ.

މިޑީއާ ރެގިއުލޭޝަންގެ ބިލުގެ މަސައްކަތް ކުރިއަށް ގެންދިޔައިރު މަޖިލީހުގެ ތެރޭގައި އިދިކޮޅު ފަރާތްތަކާއި، ބައެއް މީޑިއާތައް ހިމެނޭހެން އިހުތިޖާޖުކޮށްފައިވެއެވެ. ނަމަވެސް މިޑީއާ ރެގިއުލޭޝަން ބިލުގެ މަސައްކަތް ނިންމާ މިހާރު ވަނީ ބިލު ފާސްކޮށްފައެވެ.

މަޖިލީހަށް ހާޒިރުވާ މެހެމާނުން ޢަމަލުކުރާނެ އުސޫލުތައް މަޖިލީހުގެ ޤަވާއިދުގައި ހިމެނުމަށް ނިންމައިފި

ފަލަސްޠީނުގެ ޣައްޒާގައި ޔަހޫދީން ހިންގަމުންދާ ޤަތުލުޢާންމާ ދެކޮޅު ހެދުމުގެ ގޮތުން، 2026 ވަނަ އަހަރުގެ ޔޫރޯވިޜަން ލަވަ ކިޔުމުގެ މުބާރާތުގައި ބައިވެރިނުވާން ސްޕެއިނުން ނިންމައިފިއެވެ. މި ނިންމުން ފާސްކޮށްފައި ވަނީ އެ ޤައުމުގެ ދައުލަތުގެ މީޑިޔާ ކަމަށްވާ އާރްޓީވީއީ (RTVE) އިންނެވެ.

އާރްޓީވީއީން ބުނީ، ކުރިއަށް އޮތް މެއި މަހު އޮސްޓްރިޔާގެ ވެރިރަށް ވިއެނާގައި ބާއްވާ ޔޫރޯވިޜަން މުބާރާތުގައި ބައިވެރިވުމުގެ ފުރުޞަތު ޒަޔަނިސްޓު އިސްރާއީލަށް ދީފި ނަމަ، ސްޕެއިނުން އެ މުބާރާތުގައި ބައިވެރިނުވާނެ ކަމުގައެވެ. މިގޮތަށް ނިންމާފައި ވަނީ ޣައްޒާގައި ހިންގަމުންދާ އިންސާނިއްޔަތާ ޚިލާފު ޖަރީމާތަކާ ދެކޮޅަށް އަޑުއުފުލުމުގެ ގޮތުންނެވެ.

ޔަހޫދީން 2023 ވަނަ އަހަރުގެ އޮކްޓޫބަރު މަހުގެ 7 ވަނަ ދުވަހުން ފެށިގެން ފަލަސްޠީނުގެ ޣައްޒާގައި ހިންގަމުންދާ ޤަތުލުޢާންމުގައި ޝަހީދުކޮށްލާފައިވާ މީހުންގެ އަދަދު މިހާރު ވަނީ 64,000 އަށްވުރެ މައްޗަށް އަރާފައެވެ. އޭގެ ތެރޭގައި ގިނައީ ކުށެއްނެތް އަންހެނުންނާއި، މަޢުސޫމު ކުޑަކުދިންގެ އިތުރުން ޢުމުރުން ދުވަސްވީ މީހުންނެވެ. އަދި، ޒަޚަމުކޮށްލާފައިވާ މީހުންގެ އަދަދު 158,000 އަށްވުރެ މައްޗަށް އަރާފައި ވާކަމަށް ރިޕޯޓުތައް ބުނެއެވެ.

ސްޕެއިނަކީ ޔަހޫދީ ދައުލަތަށް ޔޫރޯވިޜަން ލަވަ މުބާރާތުން ފުރުޞަތު ދޭން ނިންމައިފި ނަމަ، އެ މުބާރާތުގައި ބައިވެރިނުވާނެކަން އިޢުލާނުކޮށްފައިވާ ޔޫރަޕުގެ ފުރަތަމަ ޤައުމެއް ނޫނެވެ. މީގެ ކުރިންވެސް ބައެއް ޔޫރަޕުގެ ޤައުމުތަކުން މިފަދަ ނިންމުންތައް ނިންމާފައި ވެއެވެ. މިކަމުން ދައްކުވައިދެނީ ފަލަސްޠީނު މައްސަލައަށް ބައިނަލްއަޤްވާމީ މުޖުތަމަޢުން ދެމުންދާ ސަމާލުކަމާއި، ޔަހޫދީންގެ ޢުދުވާނީ ޢަމަލުތަކަށް އޮތް ނަފުރަތެވެ.

ވިލާތުގެ އެންމެ ބޮޑު ޤައުމުތަކުގެ ގޮތުގައި ބެލެވޭ ފަސް ޤައުމަކީ ސްޕެއިން، އިނގިރޭސިވިލާތް، ޖަރުމަނުވިލާތް، އިޓަލީވިލާތް އަދި ފަރަންސޭސިވިލާތެވެ. ޔަހޫދީންގެ ޤަތުލުޢާންމާ ދެކޮޅު ހެދުމުގެ ގޮތުން ޔޫރޯވިޜަން ލަވަ މުބާރާތުގައި ބައިވެރިނުވުމަށް ނިންމާފައިވާ އެހެން ޤައުމުތަކުގެ ތެރޭގައި ނެދަރލެންޑްސް، ސްލޮވީނިޔާ، އައިސްލެންޑް އަދި އަޔަލެންޑް ހިމެނެއެވެ.

ޔޫރޯވިޜަން ލަވަ މުބާރާތް އިންތިޒާމު ކުރަނީ، ވިލާތުގެ ޤައުމުތަކުގެ ބްރޯޑްކާސްޓިންގ ކުންފުނިތަކުގެ އިއްތިޙާދު، ޔޫރަޕިޔަން ބްރޯޑްކާސްޓިންގ ޔޫނިއަން، އީބީޔޫންނެވެ. މި އަހަރު ބާއްވާ ޔޫރޯވިޜަން ލަވަ މުބާރާތުގައި ބައިވެރިވުމުގެ ފުރުޞަތު ޔަހޫދީ ދައުލަތަށް ނުދިނުމަށް ވިލާތުގެ ގިނަ ޤައުމުތަކެއްގެ އިތުރުން އެ ޤައުމުތަކުގެ ޢާންމު ރައްޔިތުން ވެސް ދަނީ އީބީޔޫއަށް ބާރު އަޅަމުންނެވެ.

އެސްޓީއޯގެ މެގަ ސޭލްސް ޕްރޮމޯޝަން ފަށައިފި

ދިވެހި ރެޑް ކްރެސެންޓުގެ އިންސާނިއްޔަތުގެ މަސައްކަތަށް ދިރާގުން އެހީތެރިކަން ފޯރުކޮށްދޭން އެއްބަސްވެއްޖެ!

އެސްޓީއޯ އަދި މަކިޓާ: 25 އަހަރުގެ ކާމިޔާބު ޕާޓްނަރޝިޕް

ފަހުގެ ޚަބަރު

ސްޕެޝަލް އޮލިމްޕިކްސްގެ ދެވަނަ ފެތުމުގެ މުބާރާތް މާދަމާ ފަށަނީ

ދިވެހި ޥަޡަނީ ޚިދުމަތުގެ ތަމްރީނުގައި ބައިވެރިވާ ޒުވާނުންނަށް ރައީސް މަރުޙަބާ ވިދާޅުވެއްޖެ

އަނަންޔާ ޕާންޑޭގެ ދިވެހިރާއްޖޭގެ ދަތުރު: ވްލޮގްތަކާއި އައިލެންޑް ގާލް ލުކްސް!

މަޖިލީހަށް ހާޒިރުވާ މެހެމާނުން ޢަމަލުކުރާނެ އުސޫލުތައް މަޖިލީހުގެ ޤަވާއިދުގައި ހިމެނުމަށް ނިންމައިފި

ޔޫރޯވިޜަން ލަވަ މުބާރާތުގައި ޔަހޫދީންނާ އެކު ބައިވެރިވާން ސްޕެއިނުން އިންކާރު ކޮއްފި!!

ލައިފްސްޓައިލް

ގެލެރީ